MACARONI EN KAAS OP DIE VUUR
Gebruik ‘n platboom pot hiervoor
500gram Macaroni Pasta
5ml sout
3 liter water
1 Tamatie in skywe gesny
500ml gerasperde Cheddar kaas
Kook Pasta in water en sout tot effens sag. Dreineer goed.
Smeer pot met dun lagie botter en gooi gekookte pasta daarin, Voeg 400 ml kaas daarby en roer deur. Pak tamatie skywe bo-oor en skrinkel res van kaas oor Sout en peper na smaak. Plaas pot op grond, matige kole rondom die basis en ‘n paar kole op die deksel. Gaar in so 20 – 30 min.
MAALVLEIS PASTITSIO
500 gram Maalvleis
25 ml Olie, 1 Groot uie opgekap
2 Lourierblare of vars Suurlemoen blare
2 knoffelhuisies fyn gedruk, 5ml Basille
50 ml Tamatie pasta of 2 Tamaties fyn gekap
200ml water, 75 ml Sherry of Brandewyn
Sout en Peper na smaak, 500 gram macaroni pasta
KAASSOUS
75 g Botter,
75 ml Koekmeelblom,
625 ml Melk,
2 ml sout,
1ml peper,
5ml Mostertpoeier,
200 g Gerasperde Cheddar Kaas
VLEIS:
Braai ui, knoffel en speserye in olie oor matige hitte tot sag
Voeg nou maalvleis, Sherry en water by en kook vir so 30 minute.
PASTA:
Kook Pasta in water en sout tot effens sag.
Dreineer goed en hou eenkant.
SOUS:
Smelt botter in pot, voeg meelblom by en roer goed deur.
Voeg nou melk by en roer aanhoudend todat die sous verdik.
Roer geurmiddels en kaas by en roer deur.
Skep laag pasta in jou pot (driebeen of platboom) en giet helfte van kaassous oor. Skep nou die Vleis mengsel oor en die res van die kaassous. Plaas pot op grond, matige kole rondom die basis en ‘n paar kole op die deksel. Gaar in so 20 – 30 min.